USD
АСТАНА. 10 маусым. Президент Қасым-Жомарт Тоқаев Петербург халықаралық экономикалық форумына бармауға шешім қабылдады. Бұл туралы The Moscow News ақпарына сүйенген rast.kz хабарлайды.
«Қазақстан Президенті Қасым-Жомарт Тоқаев Петербургте 14-17 маусымда өтетін халықаралық экономикалық форумға қатыспайды», – деп баяндады Reuters республика үкіметінің мәлімдемесіне сілтеме жасай отырып.
Министрлер Кабинетіндегілер ПХЭФ-ке Тоқаевтың орнына екі өкіл: Премьердің орынбасары Роман Скляр мен Ұлттық экономика министрінің орынбасары Тимур Жақсылықов баратындарын айтты. Форумда Қазақстаннан басқа ресми тұлғалар болмайды. Мұның себебі ашып айтылып отырған жоқ.
«Бұдан бұрын Тоқаев Ресей мен Қазақстаннан бөлек тағы үш бұрынғы кеңес республикалары (Беларусь, Армения, Қырғызстан) кіретін Еуразиялық экономикалық одақты (ЕАЭО) сынға ала отырып, Мәскеумен саяси интеграцияда болуға ықыласты емес екенін мәлімдеген еді», – деп атап өтті The Moscow News.
Тоқаев сондай-ақ ЕАЭО-ның қазір екі бөлікке бөлініп кеткенін, өйткені, саясат оған мүше елдердің жағдайларына қатты әсер ете бастағанын, осыдан келіп, мұның экономикалық қатынастарға өз залалын тигізіп жатқанын айтқан-ды. Ол осыған байланысты «екеуара бір ядролық қаруды» егеленіп отырған Ресей мен Беларустьтің одақтық мемлекетінің «құбылысына» назар аудара кеткен еді.
Бұдан кейін Беларусь президенті Александр Лукашенко әріптесін ядролық оқтұмсықтарға қарық болу үшін Владимир Путин екеуі құрған ««альянсқа» кіруге шақырды. Ал Тоқаев бұған Қазақстан жаңа Кеңес Одағын құруға құлықты емес екенін айтып, қатқыл жауап қайтарды.
