Собянин: таңертең Мәскеуге бірнеше ұшқышсыз ұшақ шабуыл жасады

МӘСКЕУ. 30 мамыр. Мәскеудің мэрі Сергей Собянин бүгін таңертең Кремльді қаланың «бірқатар ғимараттарына» ұшқышсыз ұшатын аппараттардың шабуылдағанын мәлімдеді. Бұл туралы «Медиазона» ақпарына сүйенген rast.kz хабарлайды.

«Бүгін таңертең ұшқышсыз ұшатын аппараттардың шабуылдары нәтижесінде бірнеше ғимарат аздаған бүліншілікке ұшырады, – деп жазды ол. – Қазіргі сәтте ешкім айтарлықтай зардап шеккен жоқ».

«РИА Новости» мәнбесі мәліметтері бойынша, ұшқышсыз ұшақтар кемінде екі тұрғын үйге соққы жасаған. Сол зарптардың бірі Кәсіподақтар көшесі бойындағы үйге, екіншісі «Жаңа Мәскеудің» Атласов көшесіндегі ғимаратқа тап келген.

«Үйлердің қасбеттері мен жоғарғы қабаттарындағы әйнектер қирап қалған. Зардап шеккендер жоқ», – деді агенттікке мәлімет беруші.

Сол сияқты агенттік тілшісі «үні жарылысқа ұқсайтын тарсылды» Павша алабындағы Красногоркадан естігенін атап көрсетеді.

Baza бүгін Мәскеу түбінде «оннан аса» дронның атып түсірілгенін баяндайды. Мәскеу облысының губернаторы Андрей Воробьев бүгін таңертең өңірге бірнеше ұшқышсыз ұшатын аппараттың шабуыл жасағанын растады.

Осылайша Мәскеу соңғы бірнеше аптадан бері белгісіз дрондардың ұдайы нысанаға алып тұратын нысанына айналып тұр.

Twitter әлеуметтік желісіндегілердің көпшілігі мұны Путиннің өзі ұйымдастырып отыр деп есептейді. Әйтпесе, дрондардың сонау Украина жерінен ешкімнің көзіне түспей ұшып жетуі мүмкін емес. Украина тарапы да бұлардың бірде-бірін өз мойындарына алып көрген жоқ.