Боксшы Руслан Мырсатаевтың бала-шағасы Сирияға не іздеп кетті?
АСТАНА. 23 мамыр. Қазақстандық белгілі боксшы Руслан Мырсатаевтың әйелі мен екі қызынан тұратын отбасы Сирия жеріне кетіп қалыпты. Бұл туралы әлеуметтік желі дерегіне сілтеме жасаған rast.kz хабарлайды.
Әлеуметтік желіде бұл оқыс оқиға қызу талқыға түсіп жатыр.
Ондағы ақыл-естері түзік адамдар сириялықтардың өздері атыс-шабыстың астында қалған елдерінен қашып жатса, бұлардың олай қарай неге бет түзегендерін түсінге алмай әлек.
Шынында да қырғын соғыс, алашапқын болып жатқан Таяу Шығыс атырабынан сыртқа кетіп жатқан босқын жұртта қазір есеп жоқ.
Осыған орай белгілі журналист Тоқтар Жақаш былай деп жазады:
«Сириялықтар елінен қашып, әлемде босып жүрсе, біздің қазақтар Сирияға үрім-бұтағымен кетті. Спортшы Руслан Мырзатаевтың әйелі екі қызымен сонда кетіпті!
Тарихқа қарасақ, қай заманда болмасын, әскердің жыныстық қажеттілігін өтейтін әйелдерді майдан даласында алып жүрген. Арғы тарихты қайдам, Александр Македонский заманынан белгілі дүние. Македонскийдің Таис деген кәнизагы болған. Сирияда шеттен келген әйелмен күнара бір еркек уақытша некеге тұрып, ертеңіне талақ айтып тастайды.
Қазақтың қыз-келіншектері адаспаңдар!»
Жөн сөз!
Біз өз тарапымыздан айта кетейік: аты аталып отырған Руслан Мырсатаев 1985 жылы Алматы қаласында туған. Қазақстанның халықаралық дәрежедегі спорт шебері. Қырғызстанның спорт шебері. Аса ауыр салмақта 2008 жылы Бейжің Олимпиялық ойындарына қатысты. Бокспен шұғылдануды Қырғызстанда бастады. 2005 жылы Азия чемпионатына Қырғызстанның атынан барды. Сол жылы әлем чемпионатының ширек финалына дейін жетті. Содан кейін Қазақстанға қоныс аударды.
Руслан Бейжің Олимпиадасында екі рет рингке шықты. Алдымен 1/8 финалда австралиялық Дэниэль Биханнан басым түсіп, ширек финалда қытайлық Чжан Чжилэйден нокаутпен жеңіліп қалды.
Кейін кәсіпқойлар боксына ауысты. Ондағы мансабын 2016 жылы 30 қаңтарда бастап, орыс Валерий Замираловты 1-раундта техникалық нокаутпен жеңді.
Қазір АҚШ-тың Майами штатындағы Флорида қаласында тұратын болса керек.
Бокс мамандарынан сұрастырып білгеніміз, ол әйелін дінге өзі тартқанға ұқсайды.
