Хоккейден Қазақстан жасөспірімдері (U18) элиталық топқа шықты
АНЖЕ. 30 сәуір. Хоккейден Қазақстанның жасөспірімдер құрамасы Анже қаласында аяқталған әлем чемпионатында бірінші болып, элиталық дивизионға жолдама алды. Бұл туралы Prosports.kz ақпарына сүйенген rast.kz хабарлайды.
Біздің 18 жасқа дейінгі жасөспірімдер соңғы турда алаң иелері – Франция құрамасын 6:1 етіп күйрете жеңді. Енді олар келесі жылы элиталық дивизионда ойнайтын болады. Қазақстандықтар сапынан Александр Мигунов, Никита Ситников, Бейбарыс Оразов, Кирилл Канкин, Дәулет Нүркенов және Егор Левковец мергендіктерімен көзге түсті.
Чемпионат 23-29 сәуір аралығында өтті.
Бас жаттықтырушы Сергей Старыгиннің шәкірттері турнирде 5 матч өткізіп, соның 4-інде ірі есеппен жеңіске жетті. Атап айтқанда, 23 сәуірде Венгрияны – 3:0, 24 сәуірде Жапонияны – 5:0, 27 сәуірде Украинаны – 5:0, ал 29 сәуірде Францияны 6:1 етіп тізе бүктірді. Тек 26 сәуір күні ойламаған жерден Даниядан 3:8 есебімен ұтылып қалды.
Чемпионатта Қазақстан құрамасы 12 ұпай жинады. Бұдан кейін 11 ұпайы бар Дания – екінші, 8 ұпайлы Жапония – үшінші, 7 ұпайлы Венгрия – төртінші, 5 ұпайлы Украина – бесінші, 2 ұпайлы Франция алтыншы орындарға орналасты.
Қазақстан құрамасы мына құрамда ойнады: қақпашылар – Владимир Никитин (07.01.2005, 5 ойын, 2 шайба жіберіп алды), Владимир Истомин (12.04.2005, 2 ойын, 7 шайба), қорғаушылар – Бейбарыс Оразов (06.05.2005, 5 ойын, 1 гол соқты), Аслан Жүсіпбеков (10.03.2005, 5 ойын, 2 нәтижелі пас берді), Денис Леута (08.08.2005, 5 ойын, 2 пас), Даниал Шақшақбаев (30.06.2005, 5 ойын, 1 пас), Рахат Оспанов (21.05.2005, 5 ойын, 1 гол), Роман Большедворский (18.06.2006, 5 ойын), Глеб Решетько (30.03.2005, 5 ойын), шабуылшылар – Әділ Бейсембаев (09.04.2005, 5 ойын, 4 гол, 3 пас), Кирилл Ляпунов (11.05.2005, 5 ойын, 3 гол, 4 пас), Александр Ким (26.09.2005, 5 ойын, 3 гол, 1 пас), Семен Симонов (17.06.2005, 5 ойын, 2 гол, 2 пас), Артур Гросс (08.02.2005, 5 ойын, 2 гол), Никита Ситников (18.09.2005, 5 ойын, 2 гол), Дәулет Нүркенов (24.04.2005, 5 ойын, 1 гол, 4 пас), Асанәлі Русланұлы (15.06.2005, 5 ойын, 1 гол), Александр Мигунов (08.04.2005, 5 ойын, 1 гол, 2 пас), Кирилл Канкин (13.01.2005), Егор Левковец (08.05.2005, 5 ойын, 1 гол), Арыстан Әмірқанов (13.04.2005, 5 ойын, 1 пас), Владимир Корчагин (16.04.2005, 5 ойын, 1 пас), Тимофей Симонов (10.05.2006, 1 ойын).
Қазақстан құрамасының мүшесі Әділ Бейсембаев турнирдің ең үздік мерген шабуылшысы атанды.
