Солтүстік Қазақстандағы сепаратистерге қатысты қылмыстық іс қозғалды
ПЕТРОПАВЛ. 30 наурыз. Солтүстік Қазақстан облысындағы «Народный совет» ұйымы сепаратистерінің әрекеті әшкереленді. Бұл туралы ҚазТАГ ақпарына сүйенген rast.kz хабарлайды.
«Солтүстік Қазақстан облысындағы бұдан бұрын әлдеқандай бір тәуелсіздік туралы мәлімдеген «Народный совет» деп аталатын сепаратистерге қарсы қылмыстық қылмыстық іс қозғалды», – делінген хабарламада.
Бүгін, бейсенбі күні Солтүстік Қазақстан облыстық полиция департаментіндегілер аталмыш ақпардың (сепаратизм жайлы – ҚазТАГ) полиция департаментінде тіркеліп, тергеу-жедел шаралары жүріп жатқанын ҚазТАГ тілшісіне жеткізген.
Бұдан бұрын Петропавлдағы әлдеқандай бір белсенділер облыстың Қазақстаннан алуға тиісті тәуелсіздігі жайында мәлімдеген болатын.
«Біз, ерікті және азат халық, ер кісілер мен әйелдер, СҚО-ның Петропавл қаласының еңбекшілері, Қазақстан Республикасы корпорациясының құқықтық негізі жалған болуы себепті, халықтың өмір сүруі үшін қолайсыз жағдайлар жасалуы себепті, сондай-ақ оның агенттерінің қабілетсіз және арсыз болуы себебімен барлық құрылтайшыларға және біздің жетістіктеріміз мен ресурстарымызды басқарып отырған жүйеге қызмет етушілерге толық сенімсіздік білдіретінімізді мәлімдейміз. Біз, халық, өзіміздің тәуелсіздігімізді, дербестігіміз бен егемендігімізді жариялаймыз», – деді мәлімдемені оқып отырған бір әйел (суретте) видеода.
Видео жұмаға қараған түні тарап, бірден жұртшылықтың кең талқылауына түсті. Әлеуметтік желіде сепаратистерді қатаң жазалауды талап етуішілер өте көп.
