ӘлеуметЖаңалықтар жаңғырығы

Тәжікстанда Украинадағы соғыста қаза тапқан тағы бір адам жерленді

ДУШАНБЕ. 29 наурыз. Тәжікстанда Украинадағы соғысқа РФ армиясы құрамында қатысып, ажалына кезіккен тағы бір тәжік азаматы жер қойнына берілді. Бұл туралы тәжік таблоидтарының ақпарына сілтеме жасаған rast.kz хабарлайды.

«Озоди» радиосының» мәліметінше, бұл Ресей түрмесінде жазасын өтеп жатқан азамат болып шықты.

Хабарланғандай, 48 жастағы Ислом Саидмуродовтың жаназасы 23 наурыз күні Нурек қаласындағы Пули Сангин қишлоқтық жамоатындағы үйінен шығарылыпты.

Asia-Plus сайтының жазуынша, Ислом Саидмуродов 2005 жылы заңсыз есірткі тасымалын жасағаны үшін сотталып, Ресей түрмелерінің бірінде жазасын өтеп жүрген екен.

Марқұмның інісі Курбонали Саидмуродов «Озоди» тілшісіне берген сұхбатында туған-туысқандары Исломның Украинадағы соғыста жүргенін білмегендерін жеткізді.

«Ол соңғы рет бізбен байланысқа 2022 жылғы қарашада шықты, бірақ өзінің қайда жүргенін айтпады», – деді ол.

Тәжікстан азаматының қайда және қандай жағдайда қаза тапқаны да айтылмайды.

Ислом Саидмуродовтың артында үш баласы қалды.

Тағы көрсету

Пікір қалдыру

Ұқсас мақалалар

Back to top button