Украин әскерлері тәулік ішінде мыңнан аса жаудың көзін жойды
КИЕВ. 24 наурыз. Украина Қарулы күштері кеше, 23 наурыз күні 1 020 оккупантты жәһаннамға аттандырып жіберді. Бұл туралы «Украинская правданың» ақпарына сүйенген rast.kz хабарлайды.
Ресейдің оккупациялық армиясы Украина жерінде қазірге дейін 169 мың солдатынан, 3 574 танкісінен, 6 921 дронынан және 2 616 артиллериялық жүйесінен айырылды.
Өткен сөткеде Украина қорғаныс күштері дұшпанның 5 бағыттағы 79 шабуылын қайтарып, ресейліктер шоғырланған аудандарға нақты дәл соққылар жасады.
Жау қазіргі таңда негізгі күштерін Лиман, Бахмут, Авдеевка, Марьинск және Шахтерск бағыттарына шоғырландырған.
РФ командованиесі басты соғыс алаңын Бахмуттан Авдеевкаға қарай аудару жолдарын қарастырып жатыр. Кремльдің Бахмутты ала алмайтындарына көздері жетті. Осы жерде «Вагнер» жеке әскери компаниясы жеке құрамы 60 пайыздай бөлігінің сүйегі қалды.
Испания осы күні алдағы аптаның соңына дейін Украинаға «Leopard 2A4» танкісінің бірінші легін жеткізіп беретінін мәлімдеді. Жөнелтілетін 6 танкі Испанияның оңтүстігіндегі Севильяға жақын жерде орналасқан зауытта соңғы тексерілуден өтіпті.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
