Жаңалықтар жаңғырығыҚұқық

Халықаралық қылмыстық сот Кремльдің қоқан-лоққысына жауап қайтарды

ГААГА. 23 наурыз. Халықаралық қылмыстық сот Путинді қамауға алуға берген ордеріне байланысты Кремль көрсеткен айбаттан қаймықпайтынын мәлімдеді. Бұл туралы шетел таблоидтарының дерегіне сүйенген rast.kz хабарлайды.

Рома (Рим) статусына қатысушы мемлекеттер ассамблеясының президиумы Халықаралық қылмыстық соттың (ХҚС) Путинді қамауға алу жөніндегі шешіміне толық және тұтастай сенім білдіретіндерін жариялады.

Еуропа мемлекеттері арасынан бірінші болып Германия егер РФ президенті өз жеріне келетін болса, бірден тұтқындайтынын баяндады. Бұдан кейін Орталық Африка республикасы мен Бразилия осындай мәлімдеме жасады.

Гаага сотының судьялары Рома статутында жазылып, бекітілген халықаралық құқықтар нормаларын сақтауға шақырды. ХҚС әлемнің барлық елдерін халықаралық құқықтар нормаларын сақтауға және заңсыздықпен күресуге үндеді.

Рома статусына қатысушы мемлекеттер ассамблеясының президиумы ХҚС-тың бір мезгілде бақылаушы да, заңнамалық та органы болып саналады.

Ал Кремльдегілер саппастар ХҚС берген ордерді «заңдық жағынан түкке тұрғысыз» қағаз ретінде бағалады. РФ-ның тергеу комитеті Путинді қамауға алуға ордер беруге рұқсат еткен адамдардың үстінен қылмыстық іс қозғауға дайын екенін айтып қоқиды. Мұның аз десеңіз, диктатордың жалдамалы жаршысы Маргарита Симонян болса, Путинді қамамақшы болған елдерге ядролық қару қолданатындарын айтып, азу тісін айға қарап біледі.

Еске түсіре кетейік, Армения қазіргі күндері Ереванға Путинді қамауға алуға құқық беретін Рим статутын ратификациялауға дайындалып жатыр.

 

Ескерту!  

rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.

Тағы көрсету

Пікір қалдыру

Ұқсас мақалалар

Back to top button