USD
АМСТЕРДАМ. 19 ақпан. Нидерланд билігі шпиондық әрекеттері үшін Ресейдің 10 дипломатын елден қуып жіберуге шешім қабылдады. Бұл туралы Bloomberg хабарлады.
«Нидерландтың ортақ шешімін табу жөніндегі көптеген әрекеттеріне қарамастан, Ресей елге дипломатиялық желеумен тыңшы офицерлерін жіберуді жалғастырып келеді», – деді Нидерланд сыртқы істер министрі Вопке Хукстра.
Ол болып жатқандарды «қабылдауға болмайтын» нәрселер деп атап, Ресей елшілеріне Нидерландтан кетуге екі апта мерзім берді.
Сейсенбі, 21 ақпаннан бастап сондай-ақ Ресейдің Амстердамдағы сауда уәкілдігі жабылады. Министрдің айтуынша, бұл «халықаралық адам құқығын бұзуды жалғастыруылыққа» және «Украинадағы бейбіт тұрғындар мен инфрақұрылымдарға қарсы шабуылдарға қайтарылған жауап» болмақ.
Нидерланд сондай-ақ өзінің Санкт-Петербургтегі консульдігін жапқалы отыр.
Соғыс басталғалы бері Батыс елдерінен Ресейдің 600-ге жуық елшілері қуып жіберілді. Мұнда өткен жылы маусым айында бірден 70 елшіні шығарып жіберген Болгария рекорд жасап тұр. Сол сияқты Польша ресейлік 45, Германия 40 дипломатты елдерінен қуды.
