Индонезияда «Валентин күніне» қатысқандар қамалды

ДЖАКАРТА. 15 ақпан. Индонезияның мұсылмандар басым тұратын аймақтарында «Қасиетті Валентин күнін» тойлауға тыйым салынғандықтан, кеше сол заңды сақтамағандар қамауға алынды. Бұл туралы Daily Mail хабарлады.

Полиция осыған байланысты мейманханаларға рейд жасап, бір-бірлерімен үйленбеген бірнеше мұсылмандар жұбын тұтқындаған.

«Мұндай әлеуметтік аурулар ауыздықталуы керек. Презервативтерді тек үйленген ересек адамдар қолданады. Бірақ мүшеқаптар ашықтан-ашық көрсетіліп, сатылмауға тиіс. Әсіресе, шоколад секілді балалар тәттілерімен қатар қойылып», – деп мәлімдеді Макасарадағы қонақүйді тексерген қоғамдық тәртіп бөлімінің басшысы Иман Худ.

Шариғат заңы жүретін Банда-Ачех провинциясында және Макасара мен Депок қалаларында жастардың көшеде, қоғамдық орындарында бір-бірлеріне сезімдерін білдірулеріне тыйым салынған. Себебі, бұл елдің «мәдениеті мен әдебіне» сәйкес келмейді. Макасарада сондай-ақ жастары 16-ға толмаған балаларға мүшеқап сатуға заңға қайшы болып саналады.