USD
КИЕВ. 31 желтоқсан. Ресей армиясы 30 желтоқсан күні Украина жерінде тағы 700-де аса солдатын оққа байлап жіберді. Бұл туралы «Украинская правда» хабарлады.
«Оккупанттар кеше 700-ден астам жауынгерінен және бір тікұшағынан айрылды», – деп жазды басылым.
Бас штабтың мәліметінше, 30 желтоқсанда ресейлік агрессорлар соғыста тағы 710 жауынгерін, 3 танкісін және бір тікұшағын жоғалтқан.
Осы кезге дейін басқыншылар жалпы мынадай шығынға ұшырап отыр:
жеке құрам – 105 960 адам;
танктер – 3 029;
жауынгерлік бронды машина – 6 075;
артиллериялық жүйе – 2 016;
РСЗО – 423;
ПВО құралдары – 213;
ұшақтар – 283;
тікұшақтар – 269;
БПЛА жедел-тактикалық деңгейі – 1 746;
қанатты ракеталар – 711;
кемелер / катерлер – 16;
автомобиль және автоцистерналар – 4 707,
арнайы техникалар – 180.
Кеше түнде жасаған видоүндеуінде Украина президенті Володимир Зеленьский Донбастағы ахуалға тоқтала келіп, онда украин әскерлері біртіндеп ілгері жылжып жатқандарын мәлімдеді. «Тұтастай алғанда, позицияны ұстап тұрмыз», – деді ол.
Украина Қарулы күштері күн сайын жаудың 20-ға дейінгі шабуылдарының бетін қайтарып келеді.
Донбаста украин әскерлерімен соғысып жатқан «Вагнер» компаниясының содырлары бүгінде әбден болдыруға айналған. Олар соңғы күндері снарядтың тапшылығына тап келіп отыр. Вагнершілердің алды өздеріне аздаған тыным беруді сұрауды жиілетті. Ал украин қорғаушыларының жаңа қарулар мен оқ-дәрілер алатын уақыты тым алыс емес.
Зеленьский өзінің сөзінде жақын арада Украинаның ПВО-сы бүкіл Еуропадағы ең күшті қорғаныс жүйесі болғалы тұрғанын атап өтті. Бұл Украина мен Еуропаның қауіпсіздігін қамтамасыз ететін болады.
