USD
НЬЮ-ДЕЛИ. 12 желтоқсан. Үндістанның Аруначал-Прадеш штатының Тавант округі тұсындағы шекарада қытай-үнді әскерлерінің қарулы қақтығысына жол берілді. Бұл туралы The Moskow News хабарлады.
Екі жақ шекарашыларының атысы нәтижесінде сызықтың арғы беті мен бергі бетінде бірнеше солдат жарақат алды. Оқиға 9 желтоқсан күні тіркелген. Соңғы екі жылда екі тарап та тыныштық сақтап тұр еді, сол қалып ақыры осылай бұзылды.
Үндістанның ANI агенттігі мен үнді армиясы дүйсенбі күні мұндай қанды қақтығыстығ орын алғанын растады. Ал атыстан кейін екі тарап та оқиға орнынан кейінге шегініп кеткен.
Алдымен Қытай әскерилері екі елді бөліп тұрған іс жүзіндегі бақылау сызығына шығып кеткен. Оларды үнді солдаттары тоқтатқан. ANI агенттігінің хабарына қарағанда, екі тараптың жауынгерлері де «жеңіл жарақат» алып қалған.
Үндістан мен Қытай арасындағы шекараның демаркация жасалған аумағы – шын мәніндегі бақылау сызығы 4057 шақырымды алады.
