USD
БІШКЕК. 4 қыркүйек. Өзбекстан мен Қырғызстан шекарасы бойында екі қырғыз азаматы шекарашылар оғынан қаза тапты. Бұл туралы 24.kg ақпарына сүйенген rast.kz хабарлайды.
Қырғыз тарапының баяндауынша, қаза тапқан азаматтар шекарашылардың талаптарына бағынбаған, содан кейін әскерилер қару қолданғануға мәжбүр болған.
«Қырғызстан шекара қызметі Өзбекстанмен шекарада елдің екі азаматының қаза тапқанын хабарлады», деп атап өтті 24.kg.
25 тамызда полицияға Жалал-Абад облысы Чатқал ауданындағы Айғыр-Джал ауылының екі тұрғынының жоғалып кеткені туралы ақпар келіп түсті. 28 тамызда өткен жұмыс кездесуінде өзбек тарапы шекара өкілдеріне 15 тамызда Өзбекстан аумағында, Қырғызстан, Өзбекстан және Қазақстан шекаралары түйіскен аумақта шекарашылар жасағы екі белгісіз тұлғаны тапқанын хабарлады.
Өзбекстан тарапының баяндауынша, олар талаптарға бағынбай, ұстамақ болған кезде мылтық атқан, нәтижесінде екеуі де оқ жарақатын алып, қаза тапқан.
31 тамызда із-түзсіз жоғалған қырғыз азаматтарының туыстары Өзбекстанға кетіп, олардың жеке басын растады. 1 қыркүйекте марқұмдардың мәйіттері «Баймақ» бекеті арқылы Қырғызстанға жеткізіліп, тексеру үшін Кербен қаласындағы мәйітханаға апарылды.
Сонымен қатар, Қырғызстан мен Өзбекстанның шекара ведомстволары 2 қыркүйектен бастап оқиға орнын бірлесіп тексеруге келісті. Өзбек тарапы марқұмдардың табылған мүлкі – үш жылқы мен шатырды Қырғызстанға беруге дайын екенін білдірді.
Қырғызстан азаматтарының өліміне қатысты жан-жақты тергеу жұмыстары жүргізіліп жатқаны, оның нәтижесі жұртшылыққа жеткізілетіні атап өтілді.
