USD
ВАШИНГТОН. 1 желтоқсан. Соңғы екі жылда Мексика шекарасын кесіп өтіп, Құрама Штаттар жеріне барған ресейліктер саны 4600 пайызға, яғни 47 есеге көбейді. Бұл туралы The Moskow News хабарлады.
Бұған Украинадағы соғыстың жоспарлағаннан артық уақытқа созылып кетуі мен Ресейде жаппай мобилизация жариялануы тікелей әсер етті. Ессіз жұрттың мұншалықты зор көлемде мұхиттың арғы бетіне заңсыз мұғажырлық жасауы бұрын-соңды болған емес. Америка кеденшілері мұндай тасқын нөпірді еш уақытта, – тіпті арғы ғасырда орын алған урбанизация дәуірінде де көрген емес.
2022 қаржылық жылы Штаттардың оңтүстігіндегі шекарада РФ-ның 21 763 азаматы ұсталды, деп жазады The New York Times жергілікті билік мәліметтеріне сілтеме жасап.
Соңғы екі жылда Мексика мен АҚШ-тың шекарасынан заңсыз жасырын өтіп бара жатқан Ресейдің паспорты бар адамдардың қолға түсулері 47 есеге дейін өсіп кеткен, яғни 4600 пайызға көбейген. Тек қазан айында ғана осындай 4 мыңға жуық ресейлік ұсталған. Ал 2020 жылы мұндайлардың қатары небәрі 467 адам ғана болған екен.
Ресей Федералды барлау қызметінің (ФСБ) мәліметі бойынша, 2022 жылғы сәуір-маусым айларында елден тек 39 адам ғана шетелге кеткен. Ал содан бір жыл бұрын 36,7 мың деп көрсетіліпті. Демек, осы тұстағыдан 900 еседен аса артық шығып тұр.
