Партизандар Мариупольде оккупанттар отырған шіркеуді өртеп жіберді

КИЕВ. 9 қараша. Запорожье облысындағы украин партизандары РФ оккупанттарының штабы орналасқан шіркеуге от қойып, өртеп жіберді. Бұл туралы «Стопкор» хабарлады.

«Мелитополь қаласының мэрі Иван Федоров қарсылық күштерінің Запорожье облысындағы Вознесенка селосында Ресей әскерлерінің штабы жайғасқан шіркеуді өртеп жібергенін баяндады», – делінген хабарламада.

Федоров мұның жайын Telegram-да айтып берді. «Оккупацияның тоғызыншы айының өзінде тұрғындардың қарсылықтары қуатты бола түскені сондай, рашистер олардың әрекеттерінен тұншығып қалатын болды. Бүгін сағат 14:00-ге жақын Мелитополь ауданының Вознесенка селосында олар оккупанттарды өз індерінде жағып жіберді. Штабтан тірі шыққан басқыншы болған жоқ», – деді ол.