USD
БРЮССЕЛЬ. 18 қазан. Еуропа парламентіндегілер Ресейді терроршы-мемлекет деп жариялайтын қарар қабылдау үшін дауыс беретін болды. Бұл туралы Polskie Radio хабарлады.
Еуропа парламенті бүгін күн тәртібіне Ресей Федерациясын терроризмді демеуші мемлекет турасындағы пікірталасты күн тәртібіне енгізді. Осыған байланысты сұранысты Еуропа конверваторлары мен реформашылары тобы жасады. Парламенттің 201 депутаты бұл ұсынысты қолдаған. Тағы 99 депутат қарсы шықса, 61 депутат қалыс қалған.
Хабарланғандай, РФ-ны терроршы мемлекет деп тану туралы қарарды қарау мәселесі Еуропарламенттің 21-24 қараша күндері өтетін сессиясында талқыланады.
«Біз аталмыш тақырыпқа дебат жүргізілетініне қуаныштымыз, қараша айында осыған байланысты қарардың қабылдануы үшін дауыс береміз, сол жолы Ресей мен Еуропа одағының, сондай-ақ Батыс Еуропаның Путин мен оның айналасындағылардың варварлық әрекеттері қатынасына баға беріледі», – деді поляк депутаты Богдан Жоньца.
Айта кетуіміз керек, Еуропа кеңесінің Парламенттік ассамблеясы (ПАСЕ) бұдан бұрын Украина жөнінде маңызды қарар қабылдаған болатын. Ол Ресей режимін террорлық деп танып, оларға қатысты трибунал тағайындалуы керек дегенді ұсынады.
