USD
МӘСКЕУ. 26 қыркүйек. Ресейдің күштік құрылымдары елдің шекарасын жауып тастауға қайыл болып отырғанымен, Владимир Путин оны талқылауды шегерумен келеді. Бұл туралы «Новая газета – Европа» хабарлады.
Федералды Қауіпсіздік қызметі (ФСБ) 21 қыркүйекте елде «ішінара» мобилизация жарияланғалы бері Ресейдің 261 мың ер азаматының шет жақтарға кетіп қалғанын мәлімдеді. Газет тілшілері мұның мәліметін Президент аппаратынан (АП) алған.
АП-ның өз ішінде елдің шекарасын ер адамдар үшін жабу жайлы әңгіме сәрсенбіден бастап қозғалған. Бұл кезде елден кетуші ерлер саны күрт көтерілген еді. Ал 25 қыркүйекте мөлшер 261 мыңнан асты.
«Әзірге кеш болмай тұрғанда, шекараны жауып тастауға болады», – дейді Кремльдегілер.
Бұдан бұрын Ресей БАҚ-тары өз мәнбелеріне сүйене отырып, РФ билігінің елдің шебін Украинаның Донецк, Луганск, Херсон және Запорожье облыстарындағы референдумдар аяқталғаннан кейін жабатынын жазған болатын.
