USD
АСТАНА. 6 ақпан. Қазақстан Қорғаныс министрлігінің генерал-майоры Қайрат Көпбаев екі айға үйқамаққа алынды. Бұл Қорғаныс министрлігіне сілтеме жасаған «ҚазАқпарат» хабарлады.
Генерал-майор енді 28 наурызға дейін үйқамақта болады.
«Жемқорлыққа қарсы келісім аясында Сыбайлас жемқорлыққа қарсы іс-қимыл агенттігімен бірлесе жүргізген шаралардың арқасында ҚР Қорғаныс министрлігінің кадрлар департаментінің бұрынғы бастығы – генерал-майор Көпбаев ұсталып, қазір оған қатысты сотқа дейінгі тергеу амалдары жүргізіліп жатыр. Қазіргі таңда генерал-майор Көпбаевқа қатысты 2 ай мерзімге үйқамақта ұстау бұлтартпау шарасы қолданылды», – деді тілшілерге Қазақстан Қарулы күштері әскери полициясы бас басқармасы бастығының орынбасары Бекен Шынтілеуов.
Оның айтуынша, БАҚ-та генерал-майор Көпбаевтың кадрлар және әскери білім департаментін басқаратыны жайлы ақпарат тарап кеткен.
«Бұл мәлімет дұрыс емес. Лауазымды қызмет пен әскери атағына қарай оның лауазымы – ҚМ кадрлар департаментінде болған. Оның әскери білім департаментіне қатысы жоқ», – деді Бекен Шынтілеуов.
Қылмыстық заңнамаға сәйкес, айтарлықтай шығынға 50 АЕК-тен басталатын (130 мың теңге) сома жатады.
Қазақстанда ірі көлемде пара алып жатқан жерінен судья Әшірбек Рахымбаев та қолға түсті. Ол өзінің кінәсін мойындады.
