Украина Ресейдің Новая Каховкадағы қоймасын жарып жіберді
КИЕВ. 17 тамыз. Украина тарапы Ресейдің Новая Каховкадағы әскери қоймасының күл-талқаны шығарылғанын жариялады. Бұл туралы «Новое время. Европа» хабарлады.
Украина Қарулы күштері стратегиялық коммуникация басқармасының мәліметінше, украин жағының соққысынан оккупанттардың 10-нан 15-ке дейінгі әскерилері жер жастанған. Тағы осыншама адам жарақат алып қалған. Бірақ Ресей тарапы кезінде бұл ақпарға түсіндірме берген жоқ.
Соғыс кезінде соғысушы тарап таратқан ақпарды жедел тексерудің реті келе бермейді. Бұл жолы да солай болды.
Оқиға шілде айының ортасында болған еді. Ресей тарапы қойған Херсон облысының жалған, қуыршақ «билігі» Украина Қарулы күштерінің соққысы салдарынан Новая Каховка қаласында кемінде 7 адамның қаза тапқанын баяндады. Ресейлік «әкімшілік» өкілдерінің болжамы бойынша, соққы HIMARS ракетасымен жасалған.
Украин тарапы кейін анықтап, Ресей армиясының оқ-дәрі қоймасы түгел жойылып кеткенін білді. Қазақ тапқан оккупанттар саны да 10-нан асып кетеді. Мұны Украина Қарулы күштерінің «Оңтүстік» жедел командованиесі бүгін өзінің есебінде атап көрсетті.
