Ресей кәсіпкерлері банктерге 9,5 трлн рубль қарыз болып отыр
МӘСКЕУ. 12 тамыз. Ресей кәсіпкерлері бүгінде жалпы сомасы 8 триллион рубль мөлшеріне жеткен кредиторлық қарыздарын қалай жабарларын білмей, тығырыққа тірелді. Бұл туралы The Moskow Times хабарлады.
«Бейбіт елге жасаған басқыншылық соғысы салдарынан жаппай санкция мен жан-жақты бұғаттауға ұшыраған Ресей триллиондаған рубль сомалы дефолттың оқ-дәрі жәшігінің үстінде отыр», – делінген хабарламада.
«Банктер 19 ақпан мен 31 шілде аралығындағы кезеңде өз клиенттерінің 9,5 трлн рубль көлеміндегі кредиттерін қайта қарап, ұзақ мерзімдерге созып берді», – деп баяндады РБК РФ Орталық банкінің мәліметтеріне сүйеніп.
Бұл займдардың 80 пайызы, яғни 8,4 трлн рубль бастапқы қалпындағыдай қызмет етуден қалған бизнес несиелерінің еншііне тиеді. Қайта мерзімдеу шарасынан әрбір бесінші (19%) ірі кәсіпорын өтті. Олардың төлем төлеу шарттары өзгертілді. Бұған несиені төлеп біту уақытының ұзартылуы мен жеңілдіктер кірді.
Мұндай проблемалар тіпті бұған дейінгі пандемия кезінде де болмаған екен.
Ресей мемлекеттік статистикасының мәліметі бойынша, мамыр айының соңында 5,6 мың компания 4,097 трлн рубльді уақытында төлей алмапты. Бизнестің жыл басынан бергі кредиторлық қарыздары 302 млрд рубльден 4 трлн 097 млрд рубльге дейін жетіпті.
