USD
КИЕВ. 24 шілде. Ресей Түркия, Украина елдерімен және БҰҰ-мен украин порттарын ашу мен астығын сыртқа шығару жөнінде төртжақты келісімшарт қол қойғаннан күннің ертеңіне Одессаны атқылаудың астына алды. Бұл туралы The Moskow Times хабарлады.
«Украина порттары мен астығын бұғаттауды алу туралы келісімге қол қойғаннан кейін бір күннен соң Ресей армиясы Одесса портын «Калибр» ракетасымен атқылады», – делінген хабарламада.
Украин әскерилерінің мәліметінше, әуе қорғанысы күштері Ресейдің екі ракетасын атып түсірген, тағы екеуі порт инфрақұрылымына құлаған.
Оккупанттар негізінен порттағы астық қоймасын көздеп атқылаған. Бірақ онда астық болмаған.
«Ресей Федерациясының Одесса қаласының портына ракетамен соққы беруге төртжақты келісімнен кейін 24 сағатқа жетпейтін ғана уақыт керек болды. Олардың шыдамы осыған ғана жетті. Сөйтіп, Ыстанбұлда БҰҰ мен Түркияға берген уәделері мен келісімдерінің шынайы екеніне күмән келтірді», – деді Украина сыртқы істер министрлігінің спикері Олег Николенко.
Оның айтуынша, бұл атқылау «Владимир Путиннің БҰҰ Бас хатшысы Антониу Гутеррештің бетіне түкіруі» болып шықты.
«Ыстанбұл келісімінен бір күннен кейін экспортқа шығарылғаны тұрған астықты көздеп атқылауы Ресейдің халықаралық құқыққа қарым-қатынасына немқұрайлы қарайтындығын дәлелдейтін, арнайы қарап, талқылауды қажет ететін мәселе», – деп мәлімдеді ЕО-ның шетел істері жөніндегі жоғарғы өкілі Жозеп Боррель.
«Бұл – төзбес қылық. Ресейдің Одесса портына ауылшаруашылық өнімдерінің эспорттық шығарылымға дайындау жөнінде келісімге келгеннен кейін 24 сағатқа жетпейтін уақытта шабуыл жасауы ешқандай шеңберге кірмейді», – деді АҚШ-тың Украинадағы елшісі Бриджет Бринк.
