USD
МӘСКЕУ. 5 шілде. РФ президенті Владимир Путиннің марионеткасы Дмитрий Медведев суицид жасауға әрекет етіп, аман қалды. Бұл туралы TCH телеарнасы хабарлады.
Оқиға маусым айының 28-інде орын алған сияқты.
Путиннің марионенткасы – Дмитрий Медведевтің өзіне қол жұмсамақ болған әрекеті сәтсіз аяқталғаны жайында хабар тарап кетті. Телеарна мұны GeneralSVR телеграм-каналының дерегіне сүйеніп жариялағанын баяндады.
«Кеше кешке Ресейдің бұрынғы президенті Дмитий Медведевтің суицид жасамақ болған әрекетінің алды алынды. Оның кабинетін тазалап жүрген қызметші әйел үстел үсті мен еденде шашылып жатқан қағаздарды кездейсоқ көріп, ондағы жазылған сөздерді оқып қалады. Оларда Дмитрий Анатольевичтің өлер алдындағы хатының бес түрлі үлгісі ірі етіп жазылған екен. Қызметші әйел дереу мұны күзетке жеткізеді. Ал күзетшілер қолында тапаншасы бар, қатты мас болып отырған Медведевті тауып алады. Олар біршама уақыт сөйлесіп, көндіргеннен кейін ол пистолетті береді. Экс-президенттің қалтасынан оның ең соңғы, алтыншы вариантты хаты табылады. Осының бәрі заматында Русия президенті Владимир Путинге баяндалады. Путин сол бойда Медведевке енді түпкілікті шешім қабылданғанша арақ іштірмеуді, оның әрбір қадамын аңдып отыруды тапсырады. Инцидентті жария етпеу жөнінде ұйғарым жасалады», – делінген хабарламада.
Бір таңғаларлығы, Медведев өзінің жазбасында соғысты өлердей жек көретінін, өзін және өз елін бүкіл әлемнің қорлап жатқаны жанына қатты тиетінін жазған көрінеді.
«Дмитрий Медведев өз жазбаларында бұл қорлау мен жан күйзелістерін көтере алмайтынын, өзін ештеңеге қабілеті жоқ бейшара сезінетінін, соғыс пен оны тұтандырғандарды жек көретінін, өзінің өліміне Ресей президенті Владимир Путинді, Юрий Ковальчукті, Николай Патрушевті, Александр Бортниковті және Игорь Сечинді айыптайтынын жазған. Медведев хаттары варианттарының бірінде қуыршақ болып өмір сүру өзін жалықтырғанын атап өтіпті. Іс жүзінде бұлардың бәрі жүйесіз, шатпақ түрінде және эмоциямен жазылғаны көрініп тұр, соған қарағанда, ол мұны мас болып отырып жазса керек», – деп баяндады канал.
Еске салып өтейік, Медведев Ресейдің басқыншы армиясы Украинаға кең ауқымда басып кірер қарсаңында өздерін өздері жариялағаны «ДХР» және «ЛХР» деген суайт аймақтарды мойындау туралы сөз қозғағандардың бірі болды.
