USD
ЖЕНЕВА. 9 маусым. Швейцарияда ФИФА мен УЕФА-ның бұрынғы басшыларының үстерінен процесс басталды. Бұл туралы BBC хабарлады.
«Швейцарияда ФИФА футбол федерациясының бұрынғы басшысы Зепп Блаттер мен УЕФА-ның бұрынғы басшысы Мишель Платинидің үстеріне сот процес басталды. Бұрынғы футбол босстары алаяқтық, құжаттарды қолдан жасау, ұйым қаржыларын талан-таражға салу және қызмет баптарын асыра пайдалану баптары бойынша айыпталып жатыр», – делінген хабарламада.
Блаттер мен Платини 2015 жылы жемқорлық жанжалының қалқасында отставкаға кеткенге дейін әлемдегі ең ықпалды футбол федерацияларын басқарып келді.
Сол кезде бұрынғы функционерлердің шамамен екі миллион швейцар франкі (2,08 млн доллар) көлемінде ақша алуға байланысты көзге түсіп қалды. Оны Платини 2011 жылы содан он жыл бұрын көрсеткен консультациялық кеңесі үшін Блаттердің өкімі бойынша алған болып шықты.
Айыптаудың версиясы Платини бұл қызметі үшін ақыны сол кезде алып қойғанын, ал мына жолғысы таза жемқорлық екенін алға тартады.
Бірақ Платини де, Блаттер де өздеріне таңылып отырған баптар бойынша айыптарды мойындап отырған жоқ.
Сот тарапы оларға бес жылдан түрмеде отыру жазасы қатері төніп тұрғанын баяндады.
Суретте: Зепп Блаттер
