USD
Ұлттық банк президенттің «Қазақстан Республикасы азаматтарының қарыз жүктемелерін төмендету шаралары туралы» жарлығын жүзеге асырғаны жөнінде есеп берді. Бұл туралы
365info.kz хабарлады.
«Ұлттық банк басқармасының 2019 жылғы 2 шілдедегі №116, банкілер мен Макроқаржы ұйымының 2019 жылғы 30 шілдедегі қаулыларымен анықталған тетіктерге сәйкес, 1 193 091 азаматтың жалпы сомасы 33,6 млрд теңге көлеміндегі кепілсіз тұтынушылар займы бойынша айыппұлдары мен өсімдеріне кешірім жасау жүргізілді», – делінген хабарламада.
Онда сондай-ақ айыппұлдар мен өсімдерді есептен шығару бірінші кезекте банкілер мен макроқаржы ұйымының қаржылары есебінен жүргізілгені айтылған. 2019 жылдың 20 тамызына дейін Проблемалық қарыздар қоры банктер мен макроқаржы ұйымының сызылып тасталған айыппұлдар мен өсімдер қарыздары сомасының 30 пайызын жауып беруді жүзеге асырады.
«Әлеуметтік қолдаудың бір реттік қана сипат алатынын түсіну керек. Мемлекет басшысы бұдан кейін кепілсіз тұтыну займдары жағдайының қайталанбауы мақсатында Ұлттық банкке қаржы ұйымдарының жауапкершілігін күшейту жөнінде кешенді шаралар қабылдауды тапсырды», – деп атап көрсетті Ұлттық банктегілер.
