USD
ҚОСТАНАЙ. 17 наурыз. Қостанай облысының Рудный қаласында бір кісі көрші әйелдің үстіне бензин құйып, оны кішкентай баласымен бірге өртеді. Бұл туралы «Алау.kz» хабарлады.
Осы ауыр қылмыстың нәтижесінде 4 жасар бала зардап шекті.
Қостанай облыстық полиция департаментінің бастығы Ерлан Омарбеков оқиға жайында өзінің Фейсбуктегі парақшасында жазды.
«Ашығын айтсам, полицияда көп жыл жұмыс істегеннен кейін әртүрлі нәрселерді көрдім. Бірақ мына оқиға мені естен тандырды. 16 наурыз күні Рудный қаласы басқармасының кезекші бөліміне 44 жастағы ер кісінің өз көршілерінің есігін қаққаны туралы хабар түседі. Ол өзіне есік ашқан кшкентай баласы бар 32 жастағы әйелдің үстіне от қойып жібереді. Аталған факт бойынша полиция адам өлтіруге әрекет ету бабымен сотқа дейінгі тергеуді бастап кетті. Күдікті ұсталды. Қазіргі таңда тергеу амалдары жүріп жатыр. Тергеу менің жеке өзімнің бақылауымда тұр», – деп жазды департамент бастығы.
Осы оқыс оқиға салдарынан 4 жасар бала зардап шеккен. Сәбидің денесінің 40 пайызы күйіп қалған. Анасы ауруханаға жатудан тартқан.
«Нәрестеге медикаментозды ұйқы беріліп, өкпесі жасанды желдету аппаратына қосылды. Ол Қостанай облыстық балалар ауруханасына апаруға дайындалдырылып жатыр», – деді облыстық денсаулық сақтау басқармасындағылар.
