Олигарх Қайрат Боранбаев ұсталып, қамауға алынды

АЛМАТЫ. 15 наурыз. Белгілі олигарх Қайрат Боранбаев Алматы ұсталып, құлып астына алынды. Бұл туралы ҚазТАГ хабарлады.

Агенттікке осыған байланысты мәліметті ахуалмен таныс мәнбе иесі берген.

«Қаржы мониторингі жөніндегі агенттік қызметкерлері Алматыда Боранбаевты ұстады. Ол бойынша Алматы департаменті емес, бас ұйымның – Қаржы мониторингі агенттігінің Астанадағы офисінің қызметкерлері «жұмыс жасауда». Қазір Боранбаев уақытша ұстау оқшаулағышында отыр. Таяу күндері Алматыда оның қатысуымен тергеу шаралары жүргізіледі», – деп хабарлады ҚазТАГ редакциясына мәнбе.

Айта кетейік, Қайрат Боранбаев – бұрынғы президенттің қызы Дариға Назарбаеваның туған құдасы. Ол – Дариғаның өткен жылы жұмбақ жағдайда қайтыс болған ұлы Айсұлтан Назарбаевтың бұрынғы әйелі Әлиманың әкесі.

Еске салайық, Қайрат Боранбаев – Қазақстан ұлттық паралимпиада комитетінің басшысы, «Қайрат» ФК бақылау кеңесінің төрағасы және түрлі бизнестің иесі.

Ол жақында Молдованың Ұйымдасқан қылмысқа және аса маңызды істерге қарсы күрес прокуратурасына жауап беруге бармаған.