USD
ТБИЛИСИ. 11 наурыз. Ресейліктер кейінгі кездері Грузияға ағылып барып жатқаны айтылуда. Бұл туралы «БелСат» хабарлады.
«Соңғы екі апта ішінде Грузияға 25 мың ресейлік барды. Әзірге Ресей билігі эмиргранттар санының ұлғайып жатқанын ресми түрде мәлімдеген жоқ, бірақ Тбилиси оларға тұратын жай тауып бере алмауда, ал бос пәтерлердің бағасы 300-400 пайызға дейін өсіп кетті», – делінген хабарламада.
Ресейліктер неге тап осы Грузияны барып тұратын жер санап отыр?
– Сіздер еге Польшаға бармадыңыздар? Беларусь ше, Молдова ше? Неге?
– Біз тек сіздердің елдеріңізге келдік. Біз сіздерге жаман ештеңе жасаған жоқпыз
– Неге, Ресей жасады ғой кезінде. Бәлкім, оған сіздердің қатыстарыңыз жоқ шығар. Бірақ сіздер мұнда келуге тиіс емес едіңіздер. Неге өз елдеріңізде қала бермедіңіздер?.
– Мен шынына келгенде…
– Иә-иә-иә! Сіздер қашанда өздеріңіздікін дұрыс деп шығасыздар ғой! Сіздер мұнда келгеннен кейін бізге жат адамсыздар! Бөтенсіздер! Соны ұға аласыздар ма?
Тбилисидің көшелеріндегі жұрт Ресейден келген серуеншілерді осылай қарсы алып жатыр.
Грузия – ресейліктердің өз паспорттарымен келе берулеріне болатын санаулы елдердің бірі.
Келгендердің бірқатары өз елдерінде қуғын көргесін кетіп қалғандарын айтуда.
«Мен кешірім сұраймын, онда мен ата-анама барсам, бірден қамауға алар еді», – деді бірі.
Сондай-ақ келгендердің барлығы дерлік Ресейдің Украинаға жасап жатқан басқыншылығын қолдамайтындарын айтты.
