Ресей Украина қалаларына сириялық содырларды айдап салмақшы
![](https://rast.kz/wp-content/uploads/ros-armiya-2.jpeg)
МИНСК. 7 наурыз. Ресей қорғаныс министрлігі Украина қалаларына шабуыл жасауға сириялық жалдамалы содырларды пайдаланбақшы. Бұл туралы белорустың «БелСат» порталы хабарлады.
«Мәскеу Украинамен соғыста Ресей әскерлерінің ел ішіне тереңдеп ілгерілеп кіруі үшін қала жағдайында ұрыс қимылдарын жүргізуге машықтанған сириялық содырларды жалдағалы жатыр», – делінген хабарламада.
АҚШ-тың мәліметі бойынша, Ресей 2015 жылдан бері Сирияда әрекет етіп жүр, ол соңғы күндері онда содырларды жалдап әкелумен айналысуда.
Ресей президенті Путиннің ондағы мақсаты қала жағдайындағы ұрыс қимылдарының ұңғыл-шұңғылын жақсы меңгерген жаналғыштарды Киевті басып алуға салмақшы. Осылайша украин үкіметіне күйрете соққы беруді көздейді.
Ресейлік бір шенеуніктің дерегінше, содырлардың бірқатары Ресейге келіп те қойған сияқты. Қазір соғысқа кірісуге дайындалып жатқан көрінеді.
Сонымен бірге, Ресейдің сириялық содырларға Украинада «күзетші» болып істейтін алты айлық жұмыстары үшін 200-ден 300 долларға дейін ақы төлейтіні де айтылды.
Соғыстың 11 күнінде Украина қарулы күштері Ресей басқыншыларының 46 мың әскери қызметкерін қатардан шығарып тастаған. Бұл туралы Украина қорғаныс стратегиясы орталығы басқармасының төрағасы Андрей Загороднюк мәлімдеді.