Украинаны жаудан қорғауға 16 мың шетелдік ерікті келді

КИЕВ. 3 наурыз. Шетелдерден бірінші рет 16 мың ерікті келіп, Украинаның тәуелсіздігін қорғау соғысына қатысқалы жатыр. Бұл туралы УНИАН хабарлады.

Украина президенті Владимир Зеленский бүгін украиналықтарға арнаған видеоүндеуінде осы жайында да айтты.

«Украина күн сайын әріптестерімізден қару-жарақ алып жатыр. Біздің достарымыздан. Күн санап барынша қуатты қарулар келуде. Украина шетелден келіп жатқан еріктілерді күтіп алуда. Алғашқы 16 мың адам келді. Олар біздің бостандығымызды қорғайды. Өмірімізді қорғайды. Біз үшін соғысады. Бәріміз үшін. Бәрі жақсы болады. Мен сенімдімін», – деді президент.

Еске сала кетейік, Зеленский 27 ақпан күні шетелдіктерді Украинада жаңадан құрылып жатқан интернационалды легионға кіріп, Ресей әскерлерімен соғысқа қатысуға шақырған еді.

Еріктілер қатарында әлемнің көптеген еддерінің өкілдері бар.

Президент 1 наурызда жарлық шығарып, легионға келе жатқандарды ел шебінен визасыз кіргізуге тапсырма берді.