USD
Өткен аптада Мексиканың әлеуметтік желілерінде бір әйелдің жас балаға тұрмысқа шығып жатқан үйлену тойынан суреттер жарияланып, жұрттың жағасын ұстатты. Бұл туралы «Новости мира» агенттігі хабарлады.
Үйленушілердің түрлеріне қарағанда, шынында да бала әйелден кемінде 10 жасқа кіші болып көрінеді.
Мұны көрген жұрт қатты шошынды. Осыған байланысты бұл қызықты той туралы ойларын ортаға салған талай болжамдар шықты. Біреулер мұны отбасылар арасында келісіммен жасалған неке десе, тағы біреулер бұдан балаға қысым көрсететін зорлықтың ізін көргендей болды. Бұдан да басқа сан түрлі болжамдар мен байыптар айтылды.
Ал осы рәсімдер қолдарына тигеннен кейін бір топ журналист бұған шын қызығушылық танытып, мәселенің мән жайын анықтауға дереу ұмтылды.
Кейін анықталғанындай, сөйтсе, биылғы жылғы 4 мамыр күні Герреро штатындағы Хальтьянгис қаласында шынымен осындай ерекше үйлену тойы болып өткен екен. Онда күйеу болып отырған баланың жасы 20-да болып шықты. Джонотан есімді бұл жігіт сирек кездесетін аномалия салдарынан осылай дұрыс өспей қалыпты. Сондықтан оның түрі өз қатарларынан әлдеқайда жас көрінетін, бойы едәуір төмен болып қалған.
Алайда, Джонотан дене бітімі жасөспірімнің деңгейінде қалып қойса да, физиологиялық жағынан өз қатарларымен бірдей болып жетілген. Өзімен тіршілік жарастырып отырған келіншек құрдасы екен.
Бұлардың тойы екі күнге созылған, өте кең көлемде өткен. Тойда олар тұратын ауылдың барлық адамдары болған.
