Илья Ильиннің ағасы Алексей пара күдігімен қамауға алынды
ҚЫЗЫЛОРДА. 17 ақпан. Белгілі ауыр атлет, әлемнің бірнеше дүркін чемпионы Илья Ильиннің туған ағасы пара алу күдігімен қамауға алынды. Бұл туралы Orda.kz хабарлады.
Портал бұл мәліметті журналист Михаил Козачковтың өзінің Telegram-арнасындағы хабарына сүйеніп жариялады.
«Сыбайлас жемқорлыққа қарсы қызмет Қызылордада өткен жылы 6 миллион теңге алып жатқан жерінде ұсталған қалалық прокуратураның қоғамдық мүддені қорғау бөлімінің бастығы Әлихан Базарбаевтың былықтарын ашып жатыр. Мәлім болғанындай, прокуратура қызметкері 5 балалар спорт мектебінің жұмысына оң қорытынды беру үшін олардан пара алған. Ал оған ақшаны сол мектептердің басшылары Иманбек Жұмабаев, Абылайхан Ақбергенов, Серік Сексембаев, Ербол Киікбаев және атақты ауыр атлет Илья Ильиннің ағасы Алексей Ильин жинап әкеліп берген», – деп жазады Михаил Козачков.
