USD
АСТАНА. 5 ақпан. «Қазақстан темір жолы» ҰК» Әлия Назарбаеваның электронды билет сатуды жүзеге асыратын компаниясымен келісімшартты мерзімінен бұрын бұзды. Бұл туралы Orda.kz хабарлады.
«Қазақстан темір жолы» ҰК» АҚ мен «Instant Payments» ЖШС жолаушылар пойыздарына электронды жол жүру құжаттарын беруді және сатуды ұйымдастыру бойынша қызметтерді сатып алу туралы келісімді мерзімінен бұрын бұзу туралы келісімге келді. Ұлттық компания бұл қызметтерді өз бетінше көрсететін болады», – делінген хабарламада.
Жол жүру құжаттары әдеттегідей Bilet7 Rall Ways.kz сайтында, билет кассаларында және онлайн қызметтерінде беріледі. Бұл ретте қызметке қолжетімділік нарықтың барлық қатысушыларына ашықтық пен транспаренттілік қағидаттарында қамтамасыз етіледі.
«Instant Payments» ЖШС-мен келісім 2014 жылы жасалған, 2023 жылдың соңына дейін жарамды болатын.
