USD
Қазақстанда туып-өскен АҚШ азаматы Руслан Асайыновқа «Ислам мемлекеті» құрамында соғысқаны үшін айып тағылды. Бұл туралы Өзбекстанның CA-NEWS сайты хабарлады.
Құрама Штаттардың әділет министрлігінде айтылғандай, Асайынов Сирия жерінде «ИМ» жағында 5 жыл соғысқан. Оны АҚШ-тың жақтастары – «Сирия демократиялық күштері» бір-ақ шыққан. Енді сот алдына жеткізіліп отыр.
Әділет министрлігінің мәліметінше, Асайынов «ИМ» құрамында мерген болып соғысқан. Уақыт өте келе, ол террорлық ұйымда өзінің мансабын өсіріп, қару-жарақпен жаттығу жасауға жауапты болып белгіленген. Осыған орай тіпті «әмір» деген атақ алған.
Бұған қоса, Асайынов «ИМ»-ға АҚШ-тың тағы бір азаматын тартпақшы болды деп айыпталып жатыр. Ол, сөйтсе, Нью-Йорк полициясының агенті болып шықты. Істің материалында Асайыновтың агентке: «Біз әлемнің күллі тарихындағы ең жаман лаңкестік ұйымбыз» деп мақтанғаны да тіркелген.
Енді 43 жастағы Асайыновқа «террорлық ұйымға қолдау көрсеткені үшін» 20 жыл түрмеде отыру жазасы қаупі төніп тұр.
