Алтай қазақтары Қазақстанға кеткен студенттер үшін алаңдайды
АЛТАЙ. 13 қаңтар. Алтай қазақтары Қазақстанға каникулға кеткен студенттердің тағдырлары үшін алаңдап отыр. Бұл туралы «Национальный акцент» хабарлады.
Алтай қазақтары ұлттық-мәдени орталығының басшысы Мұрат Бекмұратов мұның Қазақстандағы оқиғаларға байланысты туып отырғанын да айтты.
Оның баяндауынша, қазір өлкеде 9 мыңға жуық қазақ тұрады. Олардың барлығы дерлік Ресей мемлекетінде туған. Олардың арасында наразылық көңіл күйлері жоқ, тарихи отанында болып жатқан оқиғаларға алаңдайтындары да рас.
Сонымен бірге, Алтай өлкесінде Қазақстаннан осында оқуға келген қазақ жастары да бар. Орталық басшысы қазіргі күндері өздерінің каникулдары кезінде Қазақстанға кеткен сол студенттер үшін қатты алаңдап отырғандарын жеткізді. Олар жақын күндерде қайтуға тиіс.
Бұған дейін Орынбор облысының үкіметі Қазақстанмен шекарадағы ахуалдың тыныш екенін мәлімдеген еді.
Суретте: Астраханьдағы қазақ жастары.
