«Фармацияның» бұрынғы басшысы 3,5 жылға сотталды
АСТАНА. 16 қыркүйек. «СК-Фармация» ЖШС бұрынғы басшысын ақтаған үкім алынып тасталып, ол 3,5 жылға сотталды. Бұл туралы «Экспресс-К» хабарлады.
Еске сала кетейік, Астана қаласындағы Есіл аудандық №2 соты 2021 жылғы 4 тамызда «СК-Фармация» ЖШС басқармасының бұрынғы төрағасы Берік Шәріпке таңылған қызметтік жағдайын асыра пайдаланды деген айыпты алып тастап, оны ақтаған үкім шығарған еді. Алайда, прокуратура шенеуніктің ақталуына келісім бермей, аппеляциялық кепілдеме берген еді.
Бейсенбі, 4 қыркүйек күні сот алқасы бірінші инстанциядағы сот ұйғарымын негізсіз деп тауып, Берік Шәріп қызметтік жағдайын асыра пайдаланды деген айыпты мақұлдады. Сөйтіп, оны 3,5 жылға бас бостандығынан айыру жазасы белгіленді.
«Фармация» серіктестігінің бұрынғы басшысына қорғаныс кәстөмдерін сатып алу кезінде ережені бұзды деген айып тағылды. Кейінірек бұл бұйымдардың әкелуін кешеуілдетіп, медициналық қызметкерлердің ковид індетін жұқтырып алуларына апарып соқтырды.
Елордалық сот баспасөз қызметінің хабарлауынша, зат алушы жақ ақша қаражатын қайтарып бергендіктен, сондай-ақ шығынды өтеу жөнінде талап арыз болмағандықтан, қызмет бабын асыра пайдаланғаны үшін бас бостандығынан айырылған сотталушы заңға сәйкес, жазасын қаупі аз жүйе мекемесінде өтеуіне болады.
