Қыркүйекте 5 шоқжұлдыз өкілдерін сәттілік күтіп тұр
МӘСКЕУ. 31 тамыз. Қыркүйек айында бес шоқжұлдыз өкілдерінің өміріндегі «қара жолақ» аяқталып, оларға тек сәттіліктер серік болады. Бұл туралы «Московский комсомолец» хабарлады.
Астролог Наталья Колода «Астромеридиан» порталына берген сұхбатында қыркүйек айында бес шоқжұлдыздағы адамдардың өмірлерінен «қара жолақтардың» жоғалатынын атап өтті. Бұл ең алдымен Таутеке өкілдеріне көбірек қатысты. Қыркүйектің 6-сында Шолпан Плутонмен, сосын Юпитермен ұштасады. Осы жағдай Таутекелердің танымал болуларына, әлеуметтік-тұрмыстық ахуалдарын жақсарта түсулеріне себепкерлік етеді. Осыдан кейін бұрынғы жұмыстарына оралу, жаңа таныстар табу сияқты келелі өзгерістерге тап келеді. Сол сияқты 7 қыркүйекте Күн Уранмен деңгейлесіп, бұл олардың жеке өмірлері мен балалары арасында қолайсыз оқиғалардың болып қалуына да әсер береді. Бірақ бұдан арғы ахуал тек жақсарады.
Айда Балықтарды да осындай жақсы жағдайлар күтеді. Бұған планеталар арасындағы үйлесімді байланыс ықпал жасайды. Мұның нәтижесінде олардың достарымен арасы біраз жақсарады, заңгерлермен жақсы қарым-қатынас орнайды
Шолпан планетасы Суқұйғыштардың тіршіліктерін оңдауға қатысады. Олардың табыстары білім алу мен сапарлар сәттілігінен көрінеді. Сонымен бірге бұл шоқжұлдыздағы қыз-жігіттер спорт сайыстарында, туристік бизнесте, жарнамада, баспа ісінде жетістікке жетеді.
Күн мен Уранның қатарласуы Торпақтар тынысына да өзгерістер әкеледі. Бұл олар үшін өздерінің жаңа жобаларын жасаудың қолайлы кезеңі болмақ. Айдың соңында Шолпан пен Плутонның байланысуы олардың жеке өмірлеріне де қуаныш сыйлайды. Осы мезетте кейбір азаматтар өмірлік серіктерін табулары да ғажап емес.
«Қара жолақ» аталған айда Бойжеткендерден де кетеді. Қыркүйек – олар үшін жоғары ақылы жаңа жұмыс табудың мәуріті. Бойжеткендер осы уақытта түрлі үй жануарларына да қол жеткізулері мүмкін. Сонымен бірге сыр бере бастаған денсаулықтарын түзеп алудың орайы келеді.
