USD
ТОКИО. 3 тамыз. Өзбекстандық ауыр атлет Акбар Жураев бүгін Токио-2020 Олимпиялық ойындарының чемпионы атанды. Бұл туралы CentralAsia.uz хабарлады.
Осымен Ойындарда Өзбекстан қоржынына екінші алтын медаль түсті.
21 жасар спортшы сонымен бірге 109 килоға дейінгі салмақта Олимпиялық ойындардың рекордын жаңартты.
Өзбек зілтеміршісі жұлқа көтеруде 193 кило салмақты бағындырып, өзінің басты бәсекелесі армян Симон Мартиросяннан 2 кг артта қалып қойды. Бірақ серпе көтеруде рекордтық 237 кг салмақты алып, одан 9 кг озып кетті. Сөйтіп, қоссайыс бойынша 430 кг жинап, тағы бір рекорд жасаған атлет талассыз бірінші орынға шықты.
Осы екінші алтын медальдың арқасында Өзбекстан құрамасы жалпы есепте 28-орынға көтерілді.
Ауыр атлетика. Ерлер. 109 кг. 1. Акбар Жураев (Өзбекстан) – 430 кг қоссайыста – олимпиялық рекорд (жұлқа көтеруде + 237 кг – ОР). 2. Симон Мартиросян (Армения) – 423 (195 – ОР + 228). 3. Артурс Плесниекс (Латвия) – 410 (180+230).
