USD
МӘСКЕУ. 18 шілде. Ресейде мамандар Wi-Fi-дың ретсіз қосылып тұра беруінен келетін залалдар жайлы айтып берді. Бұл туралы «Лента.ру» хабарлады.
Awillix компаниясының ақпарат қауіпсіздігі жөніндегі директоры Александр Герасимов «Прайм» агенттігіне берген сұхбатында қолданылмай тұрған кезінде Wi-Fi-ды ажыратып қою керектігіне айрықша назар аударды.
«Мысалы, смартфон mt_free желісіне бір рет қосылғаннан кейін ылғи ескертусіз осы атаумен желілерге қосыла береді. Ал қаскөй адамға MT_FREE атауындағы өзінің кіру нүктесін пайдаланса жетіп жатыр, смартфон сол бойда қосылады», – деді сарапшы. Оның айтуынша, осыдан кейін алаяқтар трафикті ұстап, берілетін парольдер мен банк карталарының нөмірлерін көре алады.
Сонымен қатар, зиянкестер Wi-Fi желісіне қосылғаннан кейін ашылатын және пайдаланушыдан Интернетке қол жеткізу үшін кейбір әрекеттерді орындауды талап ететін Captive Portal-фишингтік парағын да жасай алады. Ол арқылы алаяқтар өзгелердің жеке деректерін жинай алады.
Бұдан бұрын ESET компаниясының киберқауіпсіздік саласындағы сарапшысы Джек Мур (Jack Moore) танымал WhatsApp мессенджерінің қауіптері туралы айтқан болатын. Ол сонымен қатар хабарлама қосымшасын алаяқтар мен хакерлерден қорғаудың жолдарын атады. Мур пайдаланушыларға смартфондағы белгісіз Wi-Fi желілеріне VPN пайдаланбай қосылуды ұсынбайды, өйткені бұл жағдайда хакерлер телефонның бірегей MAC мекенжайын біліп, оның көмегімен жәбірленушінің деректерін ала алады. Сондай-ақ, сарапшы WhatsApp қосымшасын тек тексерілген көздерден-ресми App Store немесе Google Play дүкендерінен жүктеуге шақырды.
