Көріпкел мысық Ахилл бүгін Бельгияның ұтатынын білдірді
САНКТ-ПЕТЕРБУРГ. 12 маусым. Эрмитаждың оракул мысығы Ахилл бүгін түнде ойналатын Бельгия – Ресей арасындағы матчта «қызыл перілердің» ұтатынына ишара танытты. Бұл туралы РИА «Новости» хабарлады.
Кеше Еуропаның ресми 2020 жылғы чемпионатының басталғаны белгілі. Ол Римде Түркия және Италия терме жамағаттары арасындағы матчпен ашылды. Эрмитаждың болжампаз мысығы соның алдында итальяндардың жеңетінін, онда да кездесудің ірі есеппен аяқталатынын байқатты. Ишара тура келді. Ойын 3:0 есебімен Италия құрамасының жеңісімен аяқталды.
Ахилл бүгін түнде Бельгия мен Ресей арасында өтетін матчта бельгиялықтардың басым түсетінін көрсетті. Болжам Мемлекеттік Эрмитаж ғимаратында жасалды. Әдеттегідей мысықтың алдына тамақ құйылған екі астау қойылды. Олардың бірінің жанына – Бельгияның, екіншісінің қапталына Ресейдің жалаулары ілінді. Ахилл Бельгияның жалауы бар ыдыстың қасына келіп, сондағы жемді жей бастады.
Бұдан алдын Ахиллдың егесі, Эрмитаж мысықтарының ветеринар дәрігері Анна Кондратьева мысықтың Еуропа чемпионатының Петербургте ойналатын үш матчының ғана болжамын білдіретінін айтып еді. Бірақ кеше Римде ойналған матчтың өзіне көзқарасын білдіріп үлгерді.
Ақшаңқан түсті керең мысық Ахилл бұрын Мемлекеттік Эрмитажда тұрып келді, 2018 жылғы шілдеден бастап үйге көшірілді. Ол 2017 жылғы Конфедерация кубогының оракулы болды, 2018 жылғы әлем чемпионатының болжампазы ролін атқарды. Ол өзінің болжамдарын Эрмитажда білдірді.
Еуропа чемпионаты 11 маусымнан 11 шілдеге дейін өтеді. Оның ойындары Еуропа елдерінің 11 қаласында ойналады.
