Саудия ажырасқан және жесір әйелдерге бір өзі тұруға рұқсат берді
ЭР-РИЯД. 11 маусым. Сауд Арабиясының билігі ешқашан тұрмыс құрмаған, ажырасқан және жесір қалған әйелдердің күйеусіз тұра берулеріне рұқсат етті. Бұл туралы МЕМ агенттігі хабарлады.
«Сауд Арабиясының билігі бұрын күйеуге тимеген, ажырасқан және жесір қалған қыз-келіншектерге әдетте ислам заңнамасына сәйкес қамқоршы (вали) болып табылатын жақын туыс-ерлерімен келіспей жалғыз тұруға рұқсат береді», – делінген хабарламада.
Корольдіктің шектен шыққан консервативті сот органдары шариғат сотының процессуалды заңының айып тқлеуге міндеттейтін 169-бабын осыдан кейін алып тастады. Түзету енді жалғызбасты әйелдердің бір өзі тұра берулеріне рұқсат береді. «Ересек әйел қайда тұратынын өзі анықтауға құқылы», – делінген құжатта.
«Қамқоршы тек әйелдің қылмыс жасағанынан дәлелі болған жағдайда ғана мәселе көтере алады», – делінген бұдан әрі.
Бұған қоса, егер әйел қамауда отырған болса, ол жазасының мерзімі біткенше қамқоршысының қарауына берілмейді. Адвокат Наиф Әл-Мәнсидің айтуынша, «отбасы бұдан былай өздерінің бір өзі тұрғылары келген қыздарына қарсы талап-арыз бере алмайды».
Биылғы жылы бұдан бұрын Сауд Арабиясында жасы 18-ден асқан қыздар қамқоршысының рұқсатсынсыз жеке куәлігіндегі есімін өзгертуге рұқсат берілген болатын. Билік сондай-ақ 2019 жылы сауд әйелдерінің жасы 21-ге толғаннан кейін ғана паспорт алып, шетелге шыға алатын құқықтарына қойылған шектеулерді де алып тастады.
Содан бір жыл бұрын сауд әйелдерінің көлік айдауларына рұқсат етілген болатын.
