USD
АСТАНА. 16 мамыр. Қазақстан Президенті Қасым-Жомарт Тоқаев өзінің 70 жасқа толғанын тойлаудан бас тартты, мемлекет басшысы оны жұмыс жағдайында қарсы алады. Бұл туралы Ақорда мәліметіне сүйенген rast.kz хабарлайды.
Мемлекет басшысы бұл атаулы күнді ел болып та, отбасы болып та атап өтпейді.
Президенттің баспасөз хатшысы Руслан Желдібай осыған қатысты журналистерден түсіп жатқан сауалдарға Facebook желісінде жауап қайтарды. Ол Президенттің туған күнін атап өтуді жоспарластырып отырмағанына тоқталды.
«Бұған байланысты ешқандай шара жоспарланып отырмағанын хабарлаймыз. Президент мұндай шараларды қолдамайды», – деп жазады ол.
Желдібай Қазақстан басшысының 17 мамырды жұмыс кестесіне сай өткізетінін пысықтады.
«Бұл – Президенттің принципті позициясы. Оның осы күні Қытайдағы мемлекеттік сапары басталады. Қазақстанда да, ҚХР-дағы сапар бағдарламасы шеңберінде де туған күнге байланысты ешқандай шара өткізілмейді», – деп баяндады Желдібай әлеуметтік желіде.
Бұдан бұрын Тоқаевтың туған күнді атап өткенін қаламайтынын мұның алдындағы баспасөз хатшысы Берік Уәли де айтқан еді.
«Президенттің отбасында балалардың да, ата-аналардың да туған күндерін атап өту дәстүрі болған жоқ», – деп жазды ол.
Қасым-Жомарт Кемелұлы Тоқаев 1953 жылы 17 мамырда Алматы қаласында қазақтың тұңғыш детектив жазушысы Кемел Тоқаевтың отбасында туған.
