Украинамен соғысу үшін Сирияда Ресейге 300 содыр келді

МӘСКЕУ. 2 сәуір. Ресей армиясы құрамында Украинамен соғысу үшін Сириядан 300 лаңкес орыс жеріне келді. Бұл туралы «Украинская правда» хабарлады.

«Ресей тарапында соғысу үшін сириялық жүздеген лаңкес Украинаға бара жатыр, олардың 300-і РФ-ға дайындықтан өту үшін келіп қойды,. – делінген хабарламада.

Батыс елдері дипломаттарының бірінің айтуынша, Сирия солдаттарының алғашқы контингенті Украинаға барудан бұрын алдымен әскери дайындықтан өту үшін Ресейге келген.

Оның құрамында Сирия армиясы бөлімшелерінің кемінде 300 жауынгері бар. Олармен кезінде Сирияда Башар Асад жағында соғысқан ресейліктер жұмыс істейді.

Қалған жалдамалылар да көп күттірмейтін сияқты. Себебі, күллі Сирия бойынша соғысқа қатысуға құлық білдіргендер саны мыңнан асып кеткен. Оларды алдымен Сирия қауіпсіздік қызметі тексеруден өткізген, содан кейін Ресей қауіпсіздік қызметі саралап шыққан.

Мәнбе Ресейдің Сириядан 16 мың жалдамалы әкелгісі келіп отырғанын да айтты. Оларға айына 1 мыңнан 2 мың долларға дейін жалақы төленеді.

Ресейге келген 300 солдат Сирияның 25-ші армиясынан екен.