USD
КИЕВ. 22 шілде. Украина Президенті Володимир Зеленський Украина Қарулы күштерінің бас қолбасшысы Александра Сырскийді қызметінен алып, оның орнына генерал-майор Михаил Драпатыйды тағайындады. Бұл туралы The Moscow Times ақпарына сілтеме жасаған rast.kz хабарлайды.
Мемлекет басшысы Сырскийге Харьков және Курск операциялары кезіндегі табысты нәтижелері үшін алғыс айтты. Ол сондай-ақ Киев қорғанысы тұсында «белгілі бір жолдардан өткендерін» атап өтті.
Президент жаңа тағайындау алдында Александр Сырскиймен және Бас штаб басшысы Ондрий Гнатовпен бірге бұдан әрі қызмет етудің форматтары жайын талқылап, істі өткізудің мәселелеріне келісім жасасты.
«Біздің бәріміздің бір ғана тілегіміз бар, ол – жауды жеңу және майдан даласында Ресейді бейбітшілікке жүгінуге мәжбүр ететіндей қысым жасау», – деді Зеленський әңгіме барысында.
Ол 22 шілде күні барлық шешімдер қабылданып болатынын айтып, Украинаның бұл тығырықтан күшейіп шығатынына, ал Ресейдің жағдайы «қиындай түсетініне» сенім білдірді.
Сырскийдің қызметтен алынуы Зеленськийдің президенттік мерзіміндегі ең үлкен жанжал болып отыр, бұл елдің әскери басшылығында дағдарыс орын алғанын айғақтады. Қолбасшы министр Михаил Федоровпен шығыспады. Федоровтың бұл қызметке келгеніне жарты жылдай ғана уақыт болып еді. Осы уақытта ол азаматтар арасында үлкен бедел жинап алды. Қорытындыда оның орнынан кетуі Киевте, Львовта, Одессада және басқа қалаларда наразылық қозғалысының орын алуына алып барды.
Федоровтың өзі брифингте әскери реформалардың жүруіне кедергі келтіріп отырған Сырскийді орнына алып тастауды өтінгенін айтты. Ал Сырский президентке Федровты қызметтен кетіру жөнінде ультиматум қойыпты. Нәтижесінде екеуі де орындарынан алынды.
Кеше Сырский әлеуметтік желіге шығып, министрмен арада ешқандай келіспеушілік болмағанын атап өтті. Бірақ Федоровтың мәлімдемесі мүлде басқаша шықты.
Сырскийдің алынуымен бірге Украина Қарулы күштері басшылығында кеңес кезеңінің мектебінен өткен бірде-бір кадрлы офицер қалған жоқ. Өзі де Ресей тумасы болып табылатын, ата-анасы, туған-туыстары Ресейде тұратын оның өзі солардың соңғысы еді.
