USD
УАШИНГТОН. 19 мамыр. АҚШ президенті Дональд Трамп Қытай райысы Щи Жиңпиң мен РФ президенті Владимир Путинге Халықаралық қылмыстық сотқа (ХҚС) бірлесіп қарсы шығуға шақырды. Бұл туралы Minval.az ақпарына сүйенген rast.kz хабарлайды.
Financial Times (FT) газетінің өз мәнбелеріне сүйеніп хабарлауынша, өткен аптада Бейжіңде өткен кездесуі кезінде мейман Дональд Трамп үй егесі Щи Жиңпиңге Уашингтонның, Бейжіңнің және Мәскеудің Халықаралық қылмыстық сотқа бірлесіп қарсы шығатындай мүмкіндіктері бар екенін мәлімдеген. Ол мұнда бұл үш мемлекеттің мүдделері ортақ екенін және сотқа қарсы күш біріктіре алатынын айтқан. Мәтбұғат бірақ Қытай басшысының бұл ұсынысқа реакциясы қандай болғанын ашып айтпайды.
Ресей мен Қытай Халықаралық қылмыстық соттың мүшелері емес, сондықтан оның юрисдикциясын мойындамайды және шығарған шешімдерді орындауға міндетті емес.
Естеріңізге сала кетейік, биылғы наурыз айында ХҚС Ресей президенті Владимир Путин мен Ресейдегі бала құқықтары жөніндегі уәкіл Мария Львова-Белованы Украинадан балаларды заңсыз депортациялауға айыпты деп санап, оларды қамауға алуға санкция берген болатын.
2024 жылдың қарашасында Халықаралық қылмыстық сот сонымен қатар Израиль премьер-министрі Беньямин Нетаньяху мен елдің Қорғаныс министрлігінің бұрынғы басшысы Йоав Галантты тұтқындауға санкция берді. 2023 жылдың күзінде Палестина-Израиль қақтығысы күшейгеннен кейін сот олардың әрекеттерін «соғыс қылмыстары» және «геноцид» деп бағалады. Соттың шешіміне жауап ретінде Трамп 2025 жылдың ақпанында ХҚҰ-ға қарсы санкциялар енгізіп, ұйымды АҚШ азаматтары мен олардың жақын одақтастарын заңсыз қудалады деп айыптаған еді.
