USD
ҚЫЗЫЛЖАР. 18 сәуір. Солтүстік Қазақстан облысында сепаратизмге қатысты дабылды іс бойынша үш адам тұтқынға алынды. Бұл туралы аймақ прокуратурасының мәліметіне сүйенген rast.kz хабарлайды.
Прокуратура қылмыстық істің жинақталған материалдары «Халық кеңесінің» үш мүшесіне қатысты Қылмыстық істер кодексінің Қазақстан Республикасның унитарлығы мен тұтастығын бұзуға шақырушылық іс-әрекеттерін әшкерелейтін 180-бабы 2-бөлігі негізінде қылмыстық іс қозғауға толық дәлел бола алатынын атап көрсетті. Мұнда сондай-ақ Кодекстің мемлекет қауіпсіздігін бұзуға жария түрде ашықтан ашық шақыру деген айып тағатын 179-бабы да көрініс беріп тұр.
«Аталған тұлғалар Қазақстан қылмыстық іс жүргізу кодексінің 128-бабына сәйкес уақытша ұстау оқшаулағышына тоғытылды».,– делінген облыс прокуратурасының сейсенбі күнгі хабарламасында.
Бақылаушы органдағылар аталмыш бапта 10 жылға дейін бас бостандығынан айыру жазасы қарастырылғанын айтты.
СҚО-дағы «Халық кеңесі» тобына қатысушылардың жиналысы туралы интернет желілердегі хабар бойынша 2023 жылғы 30 наурызда Ұлттық қауіпсіздік комитетінің Солтүстік Қазақстан облыстық департаменті сепаратизм дерегі бойынша соталды тергеп-тексеруді бастады.
30 наурызда облыс прокуратурасының нұсқауы бойынша ұлтық қауіпсіздік комитеті департаментінің, полиция департаментінің, экономикалық тергеу департаментінің, облыстың сыбайлас жемқорлыққа қарсы қызметі қызметкерлерінен ведомствоаралық жедел-тергеу тобы құрылды, процестік прокурорлар тағайындалды.
Тергеу барысында Қызылжар қаласында 2023 жылғы 19 наурызда Солтүстік Қазақстан университетінің колледж ғимаратында «Халық кеңесі» тобына қатысушылар облыс орталығының 20 азаматынан тұратын топтың жиналысы өткені, олар өздерін Кеңес Социалистік Республикалар Одағының ізбасарлары деп санайтындары белгілі болды.
Жиналыс барысында олар Қазақстан Республикасынан тәуелсіз Петропавл қаласының Халық кеңесін құру туралы тілектерін білдірген және «Солтүстік Қазақстан облысы Қызылжар қаласының халық кеңесі декларациясын» қабылдаған, онда олар Қазақстанның мемлекет құру заңдылығын және легитивтігін мойындамаған, оның Конституциялық құрылысын бұзуға қол сұға отыра оның тәуелсіздігін, жерінің тұтастығын жоққа шығарып отыр.
Соталды тергеп-тексеру барысында іс үшін мәні бар көптеген тергеу шаралары жүргізілді, оның ішінде әртүрлі сараптамалық зерттеулер тағайындалды.
Саясаттанушы мен басқа да мамандардың қатысуымен комиссиялық сот психологиялық-филологиялық сараптаманың қорытындыларына сәйкес сепаратизм белгілері анықталған.
