USD
ЛОНДОН. 19 қыркүйек. Британияда шоу жұлдызы атанған 13 балалы ана белгісіз жағдайда асылып өлді. Бұл туралы The Sun газеті хабарлады.
«Оны мұндай жағдайға ненің итермелегені белгісіз», – деп жазды басылым.
43 жастағы әйелдің денесі сәуір айында Уэртингтегі үйіне жақын жерден табылған. Алайда, отбасы мүшелері бұл оқиға туралы арада жарты жылға жуық мерзім өткеннен кейін ғана жұртқа айтып отыр. «Таңғаларлық жүктілік» телешоуының жұлдызы осы жағдай болардың сәл алдында өзін өзі өлтіргісі келетіні туралы айтқан көрінеді.
Марқұм әйел мен күйеуі 2016 жылы бірінші рет шоу эфиріне келіпті. Сол кезде олардың 11 баласы болған. Бірақ миссис Гарднер 12-ші баласына екіқабат екен. Ерлі-зайыптылар отбасының тірліктері туралы айтып беріпті.
«Менің жүктілігімнің бәрі бірдей алдын ала жоспарланған емес, бірақ әрқайсысында туған баланы қуана қарсы алып отырдық», – деп мойындаған еді көп балалы ана эифрде.
Гарднер жеке хэштегін пайдаланып, әлеуметтік желіде парақшасын жүргізіп отырған. Өзінің жазбаларында ол көп баладан тұратын отбасысы туралы және балаларының әрбірін жақсы көретіні жайлы жазып жүріпті.
