USD
БЕЙЖІҢ. 14 мамыр. ҚХР Төрағасы Щи Жиңпиң Бейжіңде АҚШ президенті Дональд Трамппен кездесу кезінде Тайвань мәселесі екі ел арасында жанжал туып кетуіне себепкер болуы мүмкін екенін айтты. Бұл туралы DW ақпарына сүйенген rast.kz хабарлайды.
Ол Тайвань жайы Қытай-Америка қарым-қатынасындағы ең түйткіл түйін болып тұрғанына назар аудара келіп, мейманын оған деген «бөтен көзқарастың» қарулы қақтығысқа алып баратынымен қорқытуға тырысты.
Уашингтон Тайванның айналасындағы жағдайға «дұрыс көзқарас» болмаған жағдайда, Қытай мен АҚШ арасында «кикілжіңдер, тіпті қақтығыстар» орын алуы мүмкін, бұл Қытай мен АҚШ арасындағы қарым-қатынасты өте қауіпті жағдайға қалдырады. «Қытай басшысы Щи Жиңпиң Америка президенті Дональд Трамппен 14 мамыр, бейсенбі күні өткен кездесу барысында осындай мәлімдеме жасады», деп жазды Қытайдың Синьхуа агенттігі.
Сонымен бірге Щи Тайвань мәселесін Қытай-Америка қатынастарындағы ең маңызды мәселе деп атады. Бейжің билігі құрлықтағы елімен сонау 1949 жылы-ақ байланысын үзіп тастап, көптен бері демократиялық үкімет дергейіндегі дербес дәулет болып отырған Тайваньды Қытайдың бір бөлігі деп санайды. Ал Тайвань Жөңгеден өз тәуелсіздігін талап етеді. Осы ретте АҚШ Тайваньмен ресми дипломатиялық қарым-қатынасты жасамайды, бірақ ол жерге қару-жарақ жеткізіп беріп тұрады.
Бірқатар бақылаушылардың пікірінше, Қытай АҚШ-тың ең алдымен Азия-Тынық мұхиты ауданында стратегиялық маңызы бар деп санайтын аймақтардағы ықпалын азайтуға тырысады. Соңғы айларда ҚХР Тайвань мен Оңтүстік Қытай теңізінің айналасында әскери белсенділікті арттырды, онда ол Филиппинмен өзара аумақтық талаптарға байланысты шиеленісті қарым-қатынасты күшейтті.
Дональд Трамп Қытайға 13 мамырда жұмыс сапарымен келді. Сапарда оның жанында ұлы Эрик, сондай-ақ Tesla және SpaceX компанияларының негізін қалаушы Илон Маск, Apple компаниясының бас директоры Тим Кук және NVIDIA басшысы Дженсен Хуанг болды.
АҚШ ҚХР-мен авиация, ауыл шаруашылығы және энергетика сияқты салаларда бірнеше экономикалық келісімдер жасасуға үміттенеді.
Тайваньнан басқа тақырыптарға келетін болсақ, екі елдің басшылары Уашингтон мен Бейжің арасындағы тарифтік дауды, сондай-ақ АҚШ пен Израильдің Иранға қарсы соғысын талқылайды деп күтілуде.
Трамптың Бейжіңге сапары бастапқыда наурыз айының соңына жоспарланған, бірақ Иранмен арадағы соғысқа байланысты кейінге қалдырылған.
