USD
БРЮССЕЛЬ. 26 мамыр. НАТО Ресей Федерациясы Латвия мен Эстонияға басып кірген жағдайда солардың жағында соғысуға дайындалып жатыр. Бұл туралы Reuters ақпарына сүйенген rast.kz хабарлайды.
Солтүстік Атлантикалық келісім ұйымы (НАТО) Ресеймен соғыс болған жағдайда Латвия мен Эстонияда күштерді жылдам орналастыруды жеңілдететін жаңа құрылымның арқасында шығыс қапталдың қорғанысын нығайтады. Өзінің екі мәнбесіне сілтеме жасаған Reuters агенттігі мұның жайын тарқатып жазды.
Қазіргі уақытта Литвадағы, Латвиядағы, Эстониядағы және Польшаның солтүстігіндегі Альянс күштері поляктың Щецин қаласындағы біртұтас көп ұлтты штабтың қол астына шоғырланып жатыр.
Сонымен қатар, жоспарланған өзгерістер Ресейдің Украинаға басып кіруінен бері назарда болған Балтықтың стратегиялық маңыздылығын көрсетеді.
Бір әскери шенеунік түсіндіргендей, аймақтағы екінші корпусты бекіту НАТО-ға көптеген әскерлерді тез орналастыруға мүмкіндік береді. Ол аймақтың шектеулі стратегиялық тереңдігі мен осалдығын ескере отырып, бұған дайындықтың қызу жүріп жатқанын атап өтті.
Әдетте, толық дайындықпен армия корпусы үш дивизияны басқарады, бұл –40-тан 60 мыңға дейінгі жауынгер деген сөз.
Бұл ретте, мәнбелердің хабарлауынша, Германия мен Нидерланд НАТО-мен келісе отырып, Латвия мен Эстонияны қорғау үшін Германияның Мюнцер қаласында орналасқан Германия-Нидерланд корпусын белгілеу жөнінде келісімге келген.
