18 Қараша, 19:11
RAST.kz
USD USD 443.96 ₸
EUR EUR 487.73 ₸
RUB RUB 5.38 ₸
Погода в Астане
Погода
Погода в Астане на 2 недели
  • Жаңалықтар
  • Қоғам
  • Жаһан
  • Әлеумет
  • Дәулет
  • Аймақ
  • Сайыс
  • Таным
  • Қайнар
  • Кіру
Нәтиже жоқ
Барлық нәтижені көрсету
RAST.kz
  • Жаңалықтар
  • Қоғам
  • Жаһан
  • Әлеумет
  • Дәулет
  • Аймақ
  • Сайыс
  • Таным
  • Қайнар
Нәтиже жоқ
Барлық нәтижені көрсету
RAST.kz
Нәтиже жоқ
Барлық нәтижені көрсету

Мақтаарал ауданында 5400-ден астам адам көшірілді

3 Мамыр 2020 08:34
- Аймақ, Жаңалықтар
Мақтаарал ауданында 5400-ден астам адам көшірілді
Facebook-те бөлісу Twitter-де бөлісу

ТҮРКІСТАН. 3 мамыр. Кеше Түркістан облысы Мақтаарал ауданында 5400-ден астам адам су тасқынынан қауіпсіз жерлерге көшірілді. Бұл туралы Otyrar.kz хабарлады.

Өзбекстандағы іргелес Сардоба су қоймасының жарылуына байланысты Мақтаарал ауданына келетін су көлемі артып, бірнеше ауылды су басып қалған.

Осыған байланысты 1 мамыр түнгі сағат 3:00 шамасында тұрғындар қауіпсіз жерге көшірілді. Ертесіне сәскеге қарай судың беті қайтты деп ойлаған жергілікті халық су басқан ауылдарды бетке алды.

Малдарын аман алып, қауіпсіз жерге шығармақ болған тұрғындар ауылдық округке кіре берісте қойылған блок бекетке тап болды. Құзырлылар тұрғындардың ауылға кіруіне жол бермеді.

Кеше қалыптасып отырған төтенше жағдайға байланысты шұғыл баспасөз мәслихаты өтті. Онда «Нұр Отан» партиясы Түркістан облыстық филиалы төрағасының бірінші орынбасары және арнайы облыстық штаб басшысының орынбасарлары Бейсенбай Тәжібаев, облыстық экономика және бюджетті жоспарлау басқармасының басшысы Арман Абдуллаев мәлімдеме жасады.

«Өзбекстан Республикасындағы Сардоба су қоймасының жарылуына байланысты Мақтаарал ауданына келетін су көлемі едәуір артты. Ресми мәліметтер бойынша, 300 млн текше метр су құйылған. Нәтижесінде бірнеше ауылды су басты. Облыс басшысы Өмірзақ Шөкеев су алған елді мекендерді аралап, жағдаймен танысты. Өңірде төтенше жағдай жарияланып, облыс басшысының тапсырмасымен арнайы штаб құрылды. Облыс әкімі штаб отырысын өткізіп, барлық жауапты сала мамандарына тапсырма берді. Соған сәйкес, ұйымдастыру жұмыстары жүруде. Бүгінгі таңда төрт елді мекеннен 5400-ден астам адам эвакуацияланды. Ол тұрғындар Атакент кенті мен «Есентаев», «Игілік», «Береке», ҚазКСР-ның 40 жылдығы атындағы ауылдардағы мектептерге орналастырылуда. Оларға қажетті тағамдармен жеткізіліп, медициналық көмектер көрсетілуде. Бұл жұмыстар іргелес жатқан Сарыағаш, Келес, Жетісай, Шардара аудандарына тапсырылды. Сондай-ақ, жергілікті кәсіпкерлер де үлестерін қосуда. Мырзакент кенті көшірілмейді. Онда су басу қаупі жоқ. Мақтаарал ауданындағы жағдай толық бақылауда», – деді Бейсенбай Тәжібаев.

Ал Арман Айдарұлы брифингте зардап шеккен тұрғындар орналасып жатқан мектептерде барлық қауіпсіздік, сақтық шаралары сақталып жатқандағын жеткізді.

«Жеңіс» және «Нұрлы жол» елді мекенінің тұрғындары Атакент кентіндегі №5, №6 мектептерге орналастырылуда. Т.Жайлыбаев елді мекенінің азаматтары Атакенттегі №7, №8, №9 мектептерге орналасса, «Фирдоуси», «Жантақсай» елді мекендерінің тұрғындары Н.Есентаев ауылындағы № 42, Игілік ауылындағы №47, ҚазКСР-ның 40 жылдығы атындағы ауылдағы №44 мектепке жайғасуда. Мектептерде арнайы медицина қызметкерлері мен аудандардан 12 маман қызмет көрсетуде», – деді басқарма басшысы.

Ол сондай-ақ су басқан ауылдағы мал және егістік,тұрғын үй мен әлеуметтік нысандардың нақты шығынын анықтау мақсатында барлық тиісті басқарма басшылары да ауданға арнайы шақыртылғанын ескертті.

Мақтааралдықтарға осы қиын кезде Арыс ауданының белсенділері бірінші болып қол ұшын созды. Блок бекет аумағына жайғасқан тұрғындар ас-сусыз еді. Сондықтан арыстық азаматтар оларға нан, су, балаларға арналған жөргектер таратты.

Былтыр жарылыстан зардап шеккен жанашырлар «Мұндай қиын-қыстау жағдайды біз де бастан өткергенбіз, сондықтан жайсыз оқиғаны ести салысымен осы тұрғындарға бірінші кезекте қажеттіліктерді алып, жолға шықтық» дейді.

Түркістан облысының әкімі Өмірзақ Шөкеев апаттан зардап шеккен аймаққа арнайы келіп, Арыстың тәжірибесіне сәйкес, Мақтаарал ауданында да тиісті жұмыстар жүргізілетінін айтты.

Ол Мақтаарал ауданындағы су басқан «Жаңатұрмыс» пен «Жеңіс» ауылдарына барып, апаттан зардап шеккен үй іргелерін қарап шықты.

Таңбалар: Мақтааралтасқын

Ұқсас мақалалар

Орынбор облысында тоған бұзылды: мыңдаған тұрғын үйге тасқын қаупі төнді
Аймақ

Орынбор облысында тоған бұзылды: мыңдаған тұрғын үйге тасқын қаупі төнді

05.04.2024
ӨМІРДІҢ ӨЗІ – ӨНЕГЕ
Тіршілік

ӨМІРДІҢ ӨЗІ – ӨНЕГЕ

15.06.2023
Тасқыннан зардап шеккендерге мыңнан аса үй салынады
Жаңалықтар

Тасқыннан зардап шеккендерге мыңнан аса үй салынады

07.05.2020
Талқылауға қосылу үшін жүйеге кіріңіз

КӨП ҚАРАЛҒАНЫ

  • Сыр өңірінде Жалаңтөс Баһадүрдің 450 жылдығына арналған конференция өтті

    Сыр өңірінде Жалаңтөс Баһадүрдің 450 жылдығына арналған конференция өтті

  • Қазалы ауданының екі іргелі елді мекеніне «көгілдір отын» келді

  • Тоқаев: Жемқорлық – мемлекеттік компаниялардың ең осал тұсы

  • Жаңа дәуір жастары: білім, жасампаздық, жауапкершілік

  • Қызылордада «Болашақ үшін ағаш отырғызайық» атты акция болып өтті

  • Әлеуметтік тұрақтылық пен еңбек қауіпсіздігі басты назарда тұруы тиіс

  • Жасөспірім қыздардың қауіпсіздігі мен денсаулығы мәселесі – қоғам назарында

RAST.kz

Ақпараттық-танымдық, қоғамдық-саяси, ғылыми-көпшілік порталы

Сайт Қазақстан Республикасы Ақпарат және қоғамдық даму министрлігінің Ақпарат комитетінде 23.01.2020 ж. тіркеліп, №KZ56VPY00019585 куәлігін алған.

Құрылтайшы:
«Даларус» жауапкершілігі шектеулі серіктестігі

Яндекс.Метрика

© 2026, Барлық құқықтар сақталған.

  • Кіру
Нәтиже жоқ
Барлық нәтижені көрсету
  • Жаңалықтар
  • Қоғам
  • Жаһан
  • Әлеумет
  • Дәулет
  • Аймақ
  • Сайыс
  • Таным
  • Қайнар
HTML Weather widget for website by meteolabs.kz

USD USD 443.96 ₸
EUR EUR 487.73 ₸
RUB RUB 5.38 ₸

© 2026, Барлық құқықтар сақталған.

Қош келдіңіз!

Төмендегі тіркелгіңізге кіру

Құпиясөзді ұмыттыңыз ба?

Құпия сөзді қалпына келтіру

Құпия сөзді қалпына келтіру үшін пайдаланушы атыңызды немесе электрондық пошта мекенжайыңызды енгізіңіз.

Кіру

Add New Playlist