USD
МӘСКЕУ. 2 шілде. Ресей билігі майданмен шектес Белгород облысына Кения мен Үндістаннан еңбек мигранттары келе бастады. Бұл туралы The Moscow Times ақпарына сүйенген rast.kz хабарлайды.
Күн сайын дерлік дрондар шабуылына ұшырап жатқан Белгород облысы шетел жұмыс күшін тартуда Қара топырақты аймақтағы көшбасшыға айналды. 2026 жылдың алғашқы төрт айында өңірдің жұмыс берушілері 1,3 мың шетелдік мигрантқа визалық режим алуға тапсырыс берді. Ол 2025 жылға қарағанда, үш есеге көп болып тұр. Ал 2024 жылмен салыстырғанда, 17 есеге артық екен.
«Коммерсант» хабарлағандай, облыстың 9 ауыл шаруашылығы саласы кәсіпорны Кениядан – 512, Үндістаннан – 418, Вьетнамнан – 171, Бангладештен – 66 және Қытайдан 51 адамды алдыруға тапсырыс берген.
Осыған ұқсас тенденция Қара топырақты жерлердің басқа аймақтарында да байқалады. Тамбов облысында шетелдік жұмысшыларға квота көлемі 2024 жылы 684 адамнан 2026 жылы 1,6 мыңға дейін өсті (негізінен Үндістаннан, Кениядан және Вьетнамнан), Воронеж облысында биылғы жылдың төрт айында сұраныс толық 2025 жылмен салыстырғанда төрт есеге жуық өскен, Курск облысында-екі есеге артып отыр. Орел облысында да тұрақты өсу байқалады. Ерекшелік Липецк облысында ғана орын алды, онда бекітілген квоталардың көлемі керісінше төрт есе азайған.
